2022-2023 оқу жылы «1- қазан Қарттар күні» меркесіне орай ұйымдастырылған ауыл қарттарына көмек көрсету мен құттықтау жұмыстарының қорытындысы

«1- қазан Қарттар күні» меркесіне орай ұйымдастырылған ауыл қарттарына көмек көрсету мен құттықтау жұмыстарының қорытындысы

Жыл сайын еліміздің жер-жерінде 1 қазан – Халықаралық Қарттар күні мерекесі аталып өтеді. Маңдай тер еңбектерінің зейнетін көріп отырған қарттарымызды құрметтеу – тек бұл күні ғана емес, күнделікті өміріміздің дәстүріне айналған, ата-бабамыздан келе жатқан қанға сіңген қасиет. Дегенмен де дәл осы күн – игілік пен ізгіліктің, пайым мен парасаттың үлгісін танытудан жалықпайтын қарияларымызды ұлықтап, оларға ерекше көңіл бөлетін күн.
Мектебіміздің оқушылар да осы айтулы күнге өзіндік үлестерін қосып, «Қарттарым – асыл қазынам» атты акция өткізді. Акция мақсаты – даналықтың көзі қарттарымызға ерекше ілтипат танытып, ыстық тілектерін білдіру. Жылдағы дәстүр бойынша қарияларымызға тілек-ниетке толы құттықтау қағаздарын берді. Ауылымыздың қарттарын аралап, жылы лебіздерін білдіріп, үй жұмыстарына көмектесіп, баталарын алып қайтты. Ауылымызда қолмен санарлықтай қарттарымыз қалды. Сол ата-әжелерімізбен оқушылар сұхбаттасып, естелікке фотоға түсті.

https://m.facebook.com/story.php?story_fbid=610158797557745&id=100056908907455&mibextid=Nif5oz