1-наурыз Алғыс айту күні 1- 8 сыныптар арасында үзіліс уақытында «Мен алғыс айтамын» тақырыбында флешмоб ұйымдастырылды.

1-наурыз Алғыс айту мерекесінің жоспарына сәйкес 1 сыныптарда «Алғыс айта білесіз бе?» тақырыбында тәрбие сағаты өтті. Оқушылар алғыс айтудың мағынасын түсініп, бір-біріне алғыс айтты.

Бүкіл адамзат баласы бас иер тұлға ұстаздардың еңбегін, жас ұрпақты ұстазды құрметтеуге, адамгершілікке, сыйлап түсіне білуге үйрету, үлкен-кішіге, достарға алғыс айту мақсатында 2-4 біріккен сыныптарда «Адал еңбек, алғысым ұстазыма!» тақырыбында сынып сағаты өтті. Оқушылар бір-біріне алғыс айтып, ұстаздарына арнап ашық хаттар дайындады. Ашық хаттарында ұстаздарына деген алғыстарын білдірді.

Оқушыларды ата-ананы, ұстаздарды құрметтеуге, сыйлауға, бір-біріне алғыс, рахмет айта білуге тәрбиелеу мақсатындаа 1-наурыз Алғыс айту күніне орай мектебіміздің бүлдіршіндері ата-аналарына, ұстаздарына алғыстарын айтты.

Алғыс айту күнін өткізу іс-шаралар жоспары бойынша Аружан Қайратқызының ұйымдастыруымен 5-7 сыныптарда «Ата-анаға алғысымыз шексіз» тақырыбында дөңгелек үстел өткізілді.

Ақын, қоғам қайраткері М. Шахановтың шығармашылығына арналған «Ұлт тілін ардақтаған» атты әдеби-сазды кеш өтті. Кештің мақсаты қазақ поэзисында өзіндік өткірлігімен бағаланатын тұлғаның шығармашылығы мен өмірін дәріптеу, жырларының құдіретін сезіну, тіл шұрайын таныту, отансүйгіштік сезімдерін ояту. Кеш барысында оқушылар ақын өлеңдерін нақышына келтіре мәнерлеп оқып, «Отырар», «Арман» шығармаларынан қойылым көрсетті. Кеш қатысушылары қазақтың қайталанбас сазгері Шәмші мен Мұхтардың ұлы

Мектепте қыз балалардан «Қызғалдақ» қыздар кеңесі құрылған. Осы бойынша тоқсан сайын жұмыс жасалынады. Қыз балаларға адамгершілік, адалдық, іс-қимыл, жүріс-тұрыс дағдысы, қыз намысы туралы жан-жақты мағұлмат беру арқылы бойларына әдептілік, сыпайылық, тиянақтылық қасиеттерді дамыту мақсатында «Қызғалдық» қыздар кеңесінің мүшелері арасында «Қыз тәрбиесі» атты тренинг өтті.

Мектебімізде іске асырылып жатқан «Театр» жобасы бастауыш сыныптарда әдебиеттік оқу, жоғары сыныптарда қазақ әдебиеті сабақтарында көрініс табуда. Атап айтқанда, қазақ тілі мен әдебиеті пәнінің мұғалімі Г.К Тоқтасынова 5-сыныпта Алаштың арда азаматы Ахмет Батұрсынұлының «Егіннің бастары» өлеңін аяқтап, оқушыларға мазмұны бойынша сурет салдырып, кішігірім театрланған қойылым қойдырды.Оқушыларды театр өнеріне баулуда.

Қысқы демалыс кезінде бастауыш сынып оқушылары шығармашылықтарын дамыта отырып, қиялдарындағы қыс мезгілін, ертегі кейіпкерлерін бейнелеп, сурет салды. Рухани жаңғыру бағдарламасы аясында «Кітапты сыйға тарту» акциясы бойынша оқушылар мен мұғалімдер мектеп кітапханасына кітаптар сыйға тартып, бұл акция бойынша ары қарай жұмыс жасалуда.

«Қыс кереметі» атты мұзқалашығын жасау Қардан, мұздан жасалған әртүрлі мүсіндер айналаны әдемі қиялға, ғажайып бір ертегі әлеміне көз шалғандай әсер етеді. Жаңааауыл негізгі орта мектебінде мультфильм кейіпкерлерінен мүсін жасалынып, сырғанақ құйылды. Кейіпкерлер қанық түстермен боялған. Қар қалашығын жасауға ата-аналар, ұстаздар, оқушылар ат салысты.  Мұз қалашығы балалардың қиялы арқылы еңбек сүйгіштікке, адал достыққа тәрбиелейді. Шығармашылық ой өрісін, қиялын дамыту, салауатты өмір салтын