Білім мазмұнын жаңғырту – сапалы білім, жарқын болашаққа негізделген.

Жаңартылған білім беру мазмұны бойынша білім сапасын мониторинг жасау білім алушылардың білім сапаларын арттыруға, жетілдіруге және салыстыра отырып, талдауға, білім алушылардың білімдеріндегі нақты олқылықтарды, кемшіліктерді анықтап және оларды жою шараларын ұйымдастыруға жетелейді.

Мониторинг дегеніміз не?

• Білім беру процестерін жетілдірудің жетекші бағыттарының бірі, қазіргі кезеңде, мектеп қауымдастығының барлық мүдделі қатысушыларын жұмылдыра отырып, білім беру сапасын дамыту және бақылау мониторингі арқылы мектепті басқару жүйесін жасақтау болып табылады.

• Мониторинг – диагностика жүргізуге және болжамдалған нәтижелерге сәйкес мектептің оңтайлы қызмет етуін қамтамасыз етуге мүмкіндік беретін, мектепті көп деңгейлі басқарудың маңызды жүйелерінің бірі.

Мониторинг бізге не береді?

• Мониторингтің көмегімен біз белгілі бағыттарды бақылай аламыз және іс жағдайының қиындықтарын тұжырымдаймыз, қалаған және шыққан нәтижелер арасындағы айырмашылықтар себебін түсінеміз, алға қойған мақсаттарға жету үшін не істеу керектігін ұғынамыз.

Мониторинг жүргізудің мақсаты:

• Білім сапасын бақылау/көтеру;

• Критериалды бағалау жүйесін енгізудегі қиындықтарды айқындау;

• Білім стандартының орындалуын қадағалау;

• Оқытудың жаңа әдіс - тәсілдерінің тиімділігін бағалау;

• Өз педагогикалық іс-әрекетін ұштауына мұғалімдерді ынталандыру.

ҚОҒАМДЫҚ-ГУМАНИТАРЛЫҚ ПӘНДЕР БОЙЫНША ОҚУ САПАСЫНЫҢ МОНИТОРИНГІСІ

Қорытынды: Тіл пәндері бойынша оқушыларда келесі қиындықтар тізбесі анықталды: Негізгі тірек сөздерді анықтауда, проблемалық сұрақ құрастыруда, сұрақтарға деректер келтіре отырып, дәлелді жауап беруде қателеседі. Өзгенің жауабын өз жауабымен салыстыру, келісу, келіспеу себептерін талқылауда қателіктер жібереді. Көркемдегіш құралдарды қолдануда қателеседі.

Ұсыныс: Осындай оқушылармен тікелей, жеке жұмыс жасау керектігі ескерілуі керек. Жазылым дағдылары көп жүргізілетіндіктен тіл сабақтарында оқушылардың жазу ажарына көп көңіл бөлу. Қосымша тапсырмалар арқылы жазу сауаттылығын арттыруға арналған жұмыстар ұйымдастыру. Өзге тіл болғандықтан ағылшын тілі, орыс тілі сабақтарында әсіресе, оқушылардың ауызекі сөйлеу дағдыларын жандандыру. Соған байланысты тапсырмаларды түрлендіру. Білім алушыларды сабақта өзіндік пікір тудыруға, сын тұрғысынан ойлауға, сөздік қорын дамытуға, қорытынды жасай білуге жағдай жасау.

ЖАРАТЫЛЫСТАНУ ПӘНДЕРІ БОЙЫНША ОҚУ САПАСЫНЫҢ МОНИТОРИНГІ

Қорытынды: Алгебралық өрнектерді ықшамдауда, дәрежелердің қасиеттерін қолдануда қиналады.. Стандарт түрде жазылған сандарға қосу немесе азайту амалдарын қолдануда / жауапты стандарт түрге келтіргенде қателіктер жібереді. Бүтін көрсеткішті дәреже қасиеттерінің бірін қолдану барысында / өрнектің коэффициентін табу барысында қателіктер жібереді. Физикалық шамалардың өлшем бірліктерін ХБЖ-не келтіру қиындық туғызады. Аспаптардың қателіктерін есепке ала отырып, дененің ұзындығын, көлемін және ауданын анықтау барысында қиналады

 География пәні бойынша өсімдік әлемі мен жануарлар әлемі жайлы толық ақпарат ұсына алмайды. Физика пәнінен сандарды стандарт түрге келтіру бойынша оқушыларда олқылықтар кездеседі. Химия пәндерінен тапсырмаларды орындауда өткен материалдарды кірістіру, байланыстыру керек.

Ұсыныс: Оқушылармен өткен материалдарға қайталау сағаттарын ұйымдастыру.. Оқушылардың өз ойын еркін, толық жеткізе білуге талап қоя білу. Логикалық есеп шығарудың тиімді тәсілдерін жетілдіру. Пәндердің өзіндік ерекшелігіне сай жаңаша әдіс – тәсілдерді қолдана отырып үйретіп, білім сапасын арттыру.

ТЕХНОЛОГИЯ, ДЕНЕ ШЫНЫҚТЫРУ ПӘНДЕРІ БОЙЫНША ОҚУ САПАСЫНЫҢ МОНИТОРИНГІ

Қорытынды: Дене шынықтыру пәні денені жетілдіруге, яғни денсаулықтың дене дамуының және дене әзірлігінің жоғары деңгейіне жетуіне бағытталған. Көркем еңбек және дене шынықтыру пәндерінен оқушылардың белсенділігі өте жоғары. Пәндері бойынша білім сапасы жоғары пайыздық көрсеткіште. 

Ұсыныс: Оқушылармен тікелей, жеке жұмыс жасау керектігі ескерілуі керек. Оқушылардың жеке бас ерекшеліктеріне баса назар аударылып, соған байланысты тапсырмаларды түрлендіру.

БАСТАУЫШ СЫНЫПТАР БОЙЫНША ОҚУ САПАСЫНЫҢ МОНИТОРИНГІ 2022-2023 ОҚУ ЖЫЛЫ

Қорытынды: Тілдік нормаларды сақтай отырып, берілген тақырып аясында диалогке қатысуда қиналады. Мәтіндерді түріне, жанрына, стиліне қарай ажыратып, салыстыруда қиналады.    

Математика пәні бойынша көптаңбалы сандарды баған түрінде жазуда, бағандап қосу және азайту амалдарын орындауда қиналады. Уақытбірліктерініңүлесін табуда қиналады.

Ұсыныс: Жазбаша жұмыстар жүргізу, қиындық туғызған мақсаттар бойынша қайталау жұмыстарын жүргізу.

2022-2023 ОҚУ ЖЫЛЫ БОЙЫНША ЖЫЛДЫҚ ОҚУ САПАСЫНА МОНИТОРИНГ ЖҮРГІЗУДІҢ НӘТИЖЕСІНДЕ:

ü  Кейбір мұғалімдердің критериалды бағалау жүйесін енгізудегі іс-әрекетіне формалды түрде қарауы;

• Бөлім бойынша жиынтық бағалау және тоқсандық жиынтық бағалау өткізу кезінде оқушылардың ерекшелігін және білім деңгейін ескермей, дайын материалды алуы;
• Анықталған мәселені шешу жолдарының тиімді болмауы анықталды;

АНЫҚТАЛҒАН МӘСЕЛЕЛЕРДІ ШЕШУ ЖОЛДАРЫ:

ü  Біліміндегі олқылықтарды жою мақсатында жеке жұмыс жүргізуді қажет ететін білім алушылардың тізімі ұсынылады;

• Пән мұғалімдерінен нақты қандай тақырыптармен қосымша жұмыс жүргізу керектігі туралы тапсырмалар беріледі.
• Сұраққа жауап іздеу барысында жан-жақты талқылаулар, зерделеулер жүргізіледі;
• Анықталған кемшіліктерді жоюға байланысты жоспарлар құрылып, жүзеге асырылады және қайтадан қаралады.
• Қарастыру жөнінде бұйрық шығарылады.

          Дұрыс әрі сауатты жасалған мониторинг және талдау жұмыстарын жүргізу арқылы мектеп әкімшілігі де, мұғалім де білім алушы оқытудың қай сатысында, білім алушылардың оқудағы білім саңылаулары қандай, білім алушыға жақсы және жоғары жетістікке жетуге көмектесу үшін не істеу керек деген сияқты сұрақтарға жауап бере алады.

          Нәтижесінде мектепішілік бақылау жоспары негізінде анықталған кемшіліктерді жоюға байланысты қорытынды бұйрық шығарылып, іс-шаралар жоспары құрылады. Құрылған жоспарға сай келесі 2023-2024 оқу жылында тиісті тұлғалар қайтадан зерделеу жұмыстарын жүргізеді. Жеке жұмыс жүргізуді қажет ететін білім алушылармен түзету жұмыстары жүргізіліп, әдістемелік көмектер көрсетіледі. Қорытынды анықтама жазылып, тиісті тұлғалардың қатысуымен отырыс ұйымдастырылып, талқыланады және хаттамамен рәсімделеді. Құжаттары жинақталады.

          «Білімдіден не пайда, білгенін көпке айтпаса, үйреткеннен не пайда, қайырымы қайтпаса»,- деген екен А.Байтұрсынов. Сондықтан үнемі кәсіби біліктілігін арттырып, жаңашылдыққа ұмтылған педагог қана шығармашылықпен, зор қуатпен еңбектене отырып, жетістіктерге қол жеткізе алады. Себебі, әлем таныған елде рухани бай және интеллектуалды тұлғалар мекендеу қажет. «Білімді болу деген сөздің мағынасы – белгісіз нәрсені ашуға қабілетті болу» деген Әл-Фарабидің сөзіне жүгінетін болсақ, ел ертеңі білімді ұрпақпен ғана өлшенбек.

Гуманитарлық әдістемелік бірлестігінің құрамына  мұғалім енеді. Мұғалімдер сапасының құрамы талапқа сай. Маман емес мұғалімдер жоқ. Жоғары білімді - 4 мұғалім. 1 мұғалім – педагог-зерттеуші, 2 мұғалім – педагог-сарапшы, санаты жоқ мұғалім – 1.

2022-2023 оқу жылындағы гуманитарлық пән мұғалімдерінің сапалық құрамын төмендегі кестеден көруге болады:

Әдістемелік бірлестіктің 2022-2023 оқу жылына құрылған жоспар бойынша жұмыс жасады. Әдістемелік нұсқау хаттың бағдарламасын басшылыққа алып, күнтізбелік тақырыптық жоспар жасап әр пән мұғалім күнтізбелік жоспар құрып, әдістемелік бірлестікте қаралып, бекітілді. Сонымен қатар мұғалімдердің ҰМЖ, ОМЖ ж/е күнтізбелік жоспарлары қаралып, бекітуге жіберілді. Әр пәннің жүргізілу деңгейі қадағаланды. 

Бірлестік алғашқы жұмысын Қазақстан Республикасы халқының Тілдер күніне арналған іс - шараларының жоспарынан бастады. Мерекелік іс-шараны 2022-2023 оқу жылының 12-16 қыркүйек аралығында өткізу жоспарланып, бекітілді.

Мақсаты: Білім берудегі үш тілділікті іске асыру. Үш тілде сөйлеуді меңгеру; Мемлекеттік тіл саясатын насихаттау; Оқушылардың алған білімдерін өмірде қолдана білуге тәрбиелеу.

Міндеті: Мемлекеттік тілді қолдану мәртебесін арттыру, үш тілде еркін сөйлеу. Тіл мәдениетін жетілдіру

Үштілділікті дамытудың кешендік жоспарын іске асыру аясында Тілдер мерекесіне арналған апталық жоспар бойынша жүргізілді. Тілдер мерекесінде қарастырылған іс-шараларға бастауыш сынып оқушылары мен ұстаздары да қатысты. Күнделікті жүргізілген іс-шаралар жоспарлы жүргізіліп, қорытындысы ӘБ жиынында талқыланып, олқылықтар дер кезінде түзетіліп отырды. Әр күнгі іс-шарада оқушылар үштілділікке бағытталған тапсырмаларды толықтай қызығушылықпен орындап шықты.

Тоқсан сайын пәндерден БЖБ, ТЖБ уақытылы алынды. Бірлестік мүшелері баспасөзге, әдістемелік журналдарына 100% толық жазылды. Бірлестік жоспар жылдық бойынша жоспарланған шараларды толығымен жүзеге асырды. 

2022-2023 оқу жылы қазан айында гуманитарлық бірлестік жоспарлы түрде пәндік апталық жүргізді.

Апталықтың әдістемелік тақырыбы: «Жаңа бағдарлама-сапалы білім

берудің негізі»

Мақсаты: Жаңартылған білім беру мазмұны аясында оқушылардың

функционалды сауаттылығын арттыру,сабақта алған білімдерін дамыту.

Пән иелері ашық сабақтар өткізіп, үзіліс арасында әр пән бойынша шаралар өткізіліп тұрды. Соңында «Тілім менің тірлігім» атты қорытынды кеште онкүндік бойы өткізілген шаралар қорытындыланып, марапатталды. 

5-6 оқушылары арасында өткен республикалық олимпиаданың аудандық кезеңінде ағылшын тілі пәні бойынша III- орын алған 6 сынып оқушысы Сағатбекова Айару.

Бастауыш оқушылары арасында өткен республикалық олимпиаданың аудандық кезеңінде ағылшын тілі пәні бойынша III- орын алған 4 сынып оқушысы Сағатбекова Кәусар. Мұғалімі: Меирманова А.Қ.  

Ақын жазушылардың даталы мерейтойларына арналған мектепішілік іс-шаралар өткізілді.М.Әуезов-125 жылдығына арналған «Көксерек» шығармасы бойынша дебат өткізілді. 

Гуманитарлық пәндер бірлестігінің жылдық жоспар бойынша өткізілген жұмыс қанағаттанарлық деп қорытындыланды.

Оқушылар жыл көлемінде қашықтықтан өткен олимпиадаларға қатысып, жүлделі орындарға ие болды.